I går skreiv eg om Shame, eit ferskt band som er inspirert av The Fall. I dag kjem nyhenda om at The Fall sin frontfigur Mark E. Smith er død, 60 år gamal. Ein besynderleg skikkelse i rockeverda. Ein legendarisk postpunk-figur med ei imponerande mengd med album på samvitet. Ein bisk og eigenrådig musikar, full av viltre ord og lakoniske meldingar. Leiar av eit lydbilde som miksa punk, krautrock, garasjerock, bråk og ein skakk og forunderleg popmelodisk teft. Ein av desse som ein vel ganske så tvillaust kan kalle noko for seg sjølv.