Ferske desembertonar.
Blant gammalt og nytt, dårlig og bra, der ute i streamingland har det just dukka opp ein heilt ny og bra låt frå det norske folkrockbandet Gadarene Wine. Se Etter Meg heiter den, og er ein folkballade frå same tradisjon som Tir Na Noir og Fairytale Of New York. Ein duett mellom bandets to vokalistar (austnorske) Kjersti Tingelstad og (vestnorske) Oddbjørn Austevik. Gjort i ein ledug, varm og godmelodisk skapnad. Ikkje ein julesong, men definitivt ein som høyrer den mørke årstida til. Metaforane er ikkje nye – vi høyrer om lys og mørke, stormen og havet, om søket etter ei hamn, og dei to som ror seg vekk ute på det opne hav – men dei matchar godt songens vemodsvakre tonar.
Ein slik song som det gjer godt å lene seg inntil no «i hjerte av desember».
Popkroken 